|
騎師及馬房如何能爭取當季的好成績, 大部份靠新馬, 而新馬出籠, 主要都在季中, 能否成為當季冠軍騎練, 季中就要看手中的新馬兵源多寡, 進度如何。本周末五月二日分場配磅已出, 草地C欄6場, 場場出足十二隻兼幾隻後備, 又是有眼光的馬友豐收日子, 據復賽後資料顯示, 熱倒冷出率甚高, 特別馬多場合, 匹匹冷門神勇非常, 不斷倒亂大局, 令熱門捧場客頻頻損手。
幸好今次有場2,3歲新馬跑1200米, 牌面六對六, 六匹初次上陣, 其餘六匹中三匹跑過一兩場, 表現平常, 祇有「鑽飾月光」沙地跑到第三名, 評磅員不看在眼內, 一分唔加, 有可能俾多次機會。好了, 成場馬剩番三匹都是識贏馬的三歲馬, 包括127磅的「華英雄」2W, 126磅的「甜汎韓」1W3Q, 及125磅的「冠中冠」1W3Q。剩係成績都並非其他九匹所能力敵的, 何況初出都要負122磅, 最輕118磅, 簡直全無着數可言。
新馬除了跑成熟之外, 仲要講求進度, 三匹馬中, 我比較喜歡李森馬房的「冠中冠」, 以往嫌火太猛, 競賽途中搶住走, 耗力太多。近日在彈閘中見高君濤親自出試, 韁口快慢由人, 進度十分理想, 此場馬胆, 不作他想。
評馬人熊良錫
「冠中冠」2020年4月23日之彈閘影片 | 
冠中冠(L088)2020年4月17日晨操相片 |
|
|
|
|
|
|
