本周賽事日以繼夜,周五晚六場沙地夜賽,周六六場草地日賽,另外周五夜可能會(待批)加插轉播南非賽事,又有重回疫情前的感覺。
因本周跑馬兩天,每天都要選馬一匹來論一論,才可以命名為以馬論馬。好! 就先選夜馬沙地吧。看配磅表最特別是第四場「北方傳說」由報草地1200米轉到此場跑沙地1050米, 其實邊個路程都並非生路,可能擺明減分,可以不理。反而報了四五班1050的「泰極」則有不同的看法,在此測一測它的心意。周未草地並無合適路程,得一組1500米可報,路程嫌長兼場地未必爛地,不如襯馬弗去跑沙地吧。跑此組雖然要負130磅,但勝後落少少班,有份量的對手全部升班加分作賽,隻隻熱門,「泰極」跑入Q都和味。
草地方面,堅尼出馬七隻,六隻上次交過手,又要踱檔位配搭兼估場地,再加多隻因素不明的「聖靈大亨」,此場變數甚多亦不單純,唔容易開翻版Q, 既然咁辛苦,不如捧隻必有鬥志的初出馬「耀昌之心」了。馬匹何時抵澳?不詳。祇知十一月尾大跑道見面。一直由助手操了三個幾月,第一次試閘揾安萬堯,包尾番來。再由助手一直操到五月十九日要試第二個大閘,安萬堯要騎摩厩「浩勝精彩」,至由張志立試閘,中段搶出,未段勁力平平,五馬試第四。之後祇有助手操,唔准騎師摸,六月四再由張志立彈一課閘。由頭到尾做了六個月功夫,快跳超過四十課,臨場又唔會大熱門,正合少注宜情之道。
評馬人熊良錫
「泰極」2020年5月23日之賽事影片
「耀昌之心」2020年5月19日之試閘影片 | 泰極(L016)2020年6月9日晨操相片 | 耀昌之心(L184)2020年6月9日晨操相片 |
|