昨日已公報了周日的出賽馬及配磅, 六場賽事三沙三草, 草地在C欄競逐, 出馬上限十二隻。全日重頭戲是沙地1050米, 由四班馬擔任角逐的〝澳門評馬同業協進會盃〞, 澳門馬會成立之時已有此盃賽, 一直沿用至今。今仗報足十四匹馬, 必定爭餐飽。在硏究其他場次時, 忽然發覺草地三四歲馬跑千二米, 45-0分的那組, 甚有瞄頭。特別介紹如下:
報名馬十匹, 初次上陣兩匹, 「如意泰斗」及「勝利鴻星」仍然生硬。跑極不入三甲的有「喜悅熊」「榮華煌日」「珍珠寶寶」, 先飛起五匹, 「靈想」輸兩場沙地初轉草地又唔要, 「龍城金雞」第二次跑草地唔見有任何進步再飛, 如此一共劃去七匹。剩下三匹, 「速遞良駒」, 「甜汎韓」及「創投精英」。買鐵三角可能蝕本, 「甜汎韓」三月抖到七月復出跑千二, 冇飛冇走勢。再抖到今次, 晨操少, 午後操多, 質疑健康又唔要。剩番一Q, 「創投精英」45分組別未威過。「速遞良駒」上次敗在「柏檔明駿」及「櫻花路」蹄下得第三, 頭二馬分別再贏, 都應該輪到「速遞良駒」了, 何況由55分組別降落45分組別, 祇須負128磅, 直程單W對象, 單Q 「創投精英」。
評馬人熊良錫
「速遞良駒」2020年7月26日之影片 | 速遞良駒 (L062)2020年8月12日晨操相片 |
|