本周火力全開, 周五夜馬四沙兩草, 周末草地日賽, 兩日草地都是用C欄作賽, 直路較長, 擺正軚容易追趕, 冷門分分鐘後追得手, 預料部份場次有分頭, 適合刨馬的普羅馬迷參與。
感覺上草地馬容易捉一些, 所以周五都向草地埋手。估計劉志森的「北方傳說」, 有可能配黎昌全上陣, 由此君上陣, 一定換到一個較理想的派彩。其實看今季「北方傳說」的步署, 季初兩場沙地熱身, 25/09用何華麟跑四班1510, 見馬唔錯都拖番做冷腳。原來真係熱身。倉主可能唔想大家浪費金錢, 10/10再報沙地三班1050, 成大冷門。今次來料報草地1500, 路程正宗, 再由三班插水式落番四五班, 擺明送封大利是俾馬迷。反而連贏易出冷腳。
至於周六草地, 介紹的當然是成為全日馬膽的「耀昌之星」。目前評分87分, 同評超過110分的馬作賽, 表面蝕分, 都祇係蝕一些虛分, 負116磅太着數了。若用上季尾敗在127分的「聖靈之都」來算,「耀昌之星」的上升空間有40分, 以每贏一場加八分計, 即還有五場頭馬的分数在手。因此今次初出1500米, 憑飛快前速放頭, 對手若想搶放, 可以話自討苦吃, 理應全無敵手。不妨吼吓冷腳。
評馬人熊良錫
「北方傳說」2020年7月11日之影片
「耀昌之星」2020年8月23日之影片 | 北方傳說 (F051)2020年10月27日晨操相片 | 耀昌之星(L142)2020年10月23日晨操相片 |
|