简体中文 / English
搶住掘草皮
2020-12-10 熊良錫
本星期草地重開, 又係掘草皮的日子。平時舖草皮多, 襯住好日, 好天收埋落雨柴, 掘定草皮, 積谷防飢, 乃是最佳做法。
周五晚夜馬, 三草兩沙, 賀厩沙草都有馬報名, 已經算強陣出擊了。而當晚賀厩強中之強, 非二三班( 70-50 ) 1500米這個組別的「美麗閃耀」莫屬了。草地三個路程都跑過, 應以1500米最好。此駒有前速, 自已帶放更好, 兩戰1500米兩勝, 堪稱首本路程, 季初1200雖敗當作熱身, 賽後功夫做足, 01/12上周二加多課大閘, 全程力掩鋒芒, 雖然熱門, 但應該係穩陣的熱門, 捧獨贏或作馬胆均可。
嫌周五晚比較乏味的朋友, 可以周末再來個大茶飯。周未六場草地, 三個路程, 長中短都有。加上有隻全日馬胆, 將周五的利潤來個孖寶, 哈! 肯定夠買鮮油豬扒波羅飽。報名跑一二班1500米的「耀昌之星」, 被封為全日馬胆, 相信冇人會反對。睇份配磅, 現負113磅, 係7號馬, 前面6隻, 以「珍珠勁旺」負133掛頭牌。今季的「耀昌之星」, 連「聖靈之都」都未必驚, 所以負輕磅來跑, 重磅馬讓分多十分蝕底。 評分一樣或較低分的馬, 變成同「耀昌之星」跑平磅更加蝕底。所以如無意外, 呢匹熱門亦應該順利勝出。至於掘到幾多草皮, 就視乎閣下個胆有幾大了。

「美麗閃耀」2020年11月07日之影片

「耀昌之星」2020年10月31日之影片


美麗閃耀 (L072)2020年12月08日晨操相片

耀昌之星 (L142)2020年12月08日晨操相片


@ 2011 澳門賽馬會 版權所有 不得轉載 打擊網上非法博彩       聯絡我們 | 反映意見 | 招聘人材 | 私穩條款 | 免責聲明 | 網頁指南 | 設為主頁 | 廣告專區
澳門賽馬會概不接受未滿18歲人仕及相關禁入場人仕博彩及進入現金投注中心。

澳門賽馬會為本地提供賽馬博彩服務之合法機構,參與境內非法賭博屬嚴重罪行,切勿以身試法,如有發現,請致電司法警察局博彩罪案舉報專線:2833 0099。

澳門賽馬會提倡健康博彩娛樂,若遇有情緒問題及異常行為,可致電逸安社 2821 0033 求助,網址:www.yoc.org.mo