简体中文 / English
今期有好嘢
2021-01-06 熊良錫
本周五晚跑沙地, 周六日賽跑草地。一睇分場配磅, 馬上精神為之一振, 皆因兩日都有心水馬匹, 等佢地出賽, 實在等到花兒也謝了。閒話休提, 言歸正傳。周五晚沙地一二班1510米, 出足十二隻都冇有怕。今季馬王( 絕大機會 ) 「耀昌之星」祇負119磅跑沙地, 你話幾著數呢! 雖然亞包先生( 大名抝頸 ) 話可能沙地麻麻, 因為輸過俾隻三班貨式的「電鍍合金」, 沙地贏的都祇是四五班還未開齋的「天行大師」喎, 隻馬一定會大熱門, 不如揾隻冷馬搏好分好過喇。唉! 我都費事解釋咁多, 總之答應代包生落注, 將他的拾元夾埋來捧場就啱了。上次「耀昌之星」跑出熱頭冷腳, 連贏過三佰元, 和味。
至於周六草地, 繼續追捧錢厩的「國金之星」。今季已經贏了兩場1800米的「國金之星」, 評磅員都幾重手, 由40分加到55分, 雖然如此, 保守估計仍有上升的空間。剩睇上賽報跑的是二三班1800米賽事就知啦。 當時祇是47分的「國金之星」, 在蝕班蝕分蝕磅的情況下, 排在最外檔, 仍被捧成四倍次熱門, 沿途清風送爽, 留守第二叠, 直路五六隻馬一齊冲刺, 仍敗在「國金之星」蹄下。贏馬後今仗居然由二三班降落四班, 雖然130磅, 但用張志立可減三磅, 連重磅壓力都減免。勝後工夫做足不缺, 馬匹可用大熟大勇來形容, 放心捧場。

「耀昌之星」2020年12月12日之賽事影片

「國金之星」2020年12月12日之賽事影片

耀昌之星 (L142)2021年01月05日晨操相片

國金之星 (L178)2021年01月06日晨操相片


@ 2011 澳門賽馬會 版權所有 不得轉載 打擊網上非法博彩       聯絡我們 | 反映意見 | 招聘人材 | 私穩條款 | 免責聲明 | 網頁指南 | 設為主頁 | 廣告專區
澳門賽馬會概不接受未滿18歲人仕及相關禁入場人仕博彩及進入現金投注中心。

澳門賽馬會為本地提供賽馬博彩服務之合法機構,參與境內非法賭博屬嚴重罪行,切勿以身試法,如有發現,請致電司法警察局博彩罪案舉報專線:2833 0099。

澳門賽馬會提倡健康博彩娛樂,若遇有情緒問題及異常行為,可致電逸安社 2821 0033 求助,網址:www.yoc.org.mo