本周兩日賽事的配磅, 在望眼欲穿之下卒之到手, 做好对第二天排位的初步工作後, 還要連夜趕好這段稿。因時間所限, 選馬方式祇能用上兩茶匙記憶, 一湯匙第六感, 再加入運氣兩碗, 少許睡眼矇矓, 再伴以一杯1+1無甜味的白咖啡, 看看這個組合能否發揮一個理想效果。
周五晚沙地, 發覺抖足一個月的「豪情駿馬」又報名跑六班1510米, 是30-0分的組別。喂! 上次至贏緊35-0分的1600米, 贏咗之後加8分, 今次居然唔升反降些少, 肯定着数。現時才五歲的「豪情駿馬」, 馬匹除了潺弱一點外, 沙地性能甚佳, 倉主針對呢點, 重養為主, 兩周前試課800米閘, 輕舒步頭而回, 矛頭直指此場求連勝, 就算上次冇份中今次可以補番。
至於周六草地賽, 亦介紹一匹上賽新勝的賽駒, 錢健明馬房的「美麗之最」, 亦是上賽可能會走雞的馬。再番看上賽的沿途片段, 看似放棄頭段, 實質排外擋, 出閘本身唔規矩, 又跳咗幾下, 張志立見咁慢, 乘機走入內欄包尾。開頭800米跟得吃力兼脫節, 轉直路前拉出外檔, 馬的鬥志先撻著狂衝險勝, 相信今仗唔會再用這種危險的跑法, 因為對手實力亦不弱, 好狀態的亦不少, 但憑信任「美麗之最」的質素, 及手風正順的錢厩, 也不失為值得捧場的對象。
評馬人熊良錫
「豪情駿馬」2021年1月22日之賽事影片
「豪情駿馬」2021年2月16日之試閘影片
「美麗之最」2021年1月16日之賽事影片
| 
豪情駿馬 (L042)2021年2月23日晨操相片 | 
美麗之最 (M098)2021年2月23日晨操相片 |
|
