本周是倒數的第四次賽事, 全日重點當然是澳門評馬人協會三十周年盃, 寫稿時手上資料祇是分場及配磅, 盃賽編第幾場仍未揭曉。由於編了三草三沙, 慣例是先跑三場草地, 再跑三場沙地, 盃賽唔編第三場的草地, 有可能就編响第四場的沙地。因為頂班沙地短途拆開了高分及低分兩組, 所以若在沙地安排盃賽, 就很大機會編在頂班高分組了。
一群過百分的沙地精英, 雲集在九匹出賽馬的場次, 競爭必定非常激烈。所有外在因素, 包括負磅, 排位, 配搭, 起步先後, 沿途走位, 對誰勝誰負都有直接影響。再加上錢厩出馬兩匹, 煊厩出馬兩匹, 貴/何聯合倉又兩匹。剩下譚厩一匹, 摩孫一匹, 沙地正又一匹, 幸好這三匹一隻超頂磅133, 兩隻蝕多分, 皆可放棄。而剩下的三個馬房, 正副身份分明, 錢厩「勝利皇星」1050嫌短, 主力「常山虎」, 聯合倉肯定「金槍霸」搏命, 你話「健而快」1050贏「金槍霸」就一定打死都唔信。張兆煊「頂峰傳奇」今季未跑過咁短, 主力應該「家裏有礦」身上, 牌面看「常山虎」及「家裏有礦」與「金槍霸」都對疊多次, 互有勝負。 但論此程的穩健性, 必屬「金槍霸」無疑。近日備戰積極, 矛頭一早直指呢場, 肯定跑埋今季休息, 最重要是鬥志堅強, 不用懷疑, 實屬全日馬膽。
「金槍霸」2021年2月05日之賽事影片 | 
金槍霸 (L029)2021年08月10日晨操相片 |
|
