简体中文 / English
三英戰呂布
2022-03-16 熊良錫
本周六六場草地, 將在C跑道舉行, 周二下午已公報了分場及配磅, 踱馬起碼有個譜模。寫到這裡忽然想起上周五及周日的馬簿, 周五封面介紹「冬甩仔」三捷可期, 果然大熱勝出, 獨贏雖然十五元, 但入隻冷腳, 連贏過佰。周日則介紹一冷一熱, 雙龍出海, 結果熱倒冷出, 獨贏過佰, 連贏四佰幾。由此証明, 腦筋夠靈活, 澳門馬想贏錢並不困難, 睇睇馬簿封面就掂。閒話休提, 言歸正傳, 本周二班1800的賽事, 上演一場大戰「三英戰呂布
, 劉志森馬房出馬三匹, 誓要爭取此場的冠軍, 除了負磅較重的「聖靈大亨」外, 其餘的「暴風雪」及「幸運孖寶」都負輕磅, 准備充足, 冠軍想如探囊取物。但今場形勢絕不簡單, 1號2號兩匹馬的評分相差十一分, 即1號馬負130磅, 2號馬便負119磅, 其他再低分的則負118磅或更低, 與上周日頂班馬跑1200米一樣。 3號馬以下跑平磅, 這類賽事對如何運用騎師, 學問比較深。挑戰劉厩三英的, 當然是「延安龍」, 正宗長途馬腳法, 草地戰績佳, 好地贏過, 爛地亦得, 上周高君濤都試過課快功夫, 可能知道做唔到磅而放棄。
現年四歲的「延安龍」, 矛頭直指今季打吡, 現評74分, 應該可以入圍, 但來澳之後, 始終未曾一試1800路程, 稍令幕後人担心, 若此場表現突出, 可以話手執打吡半邊盃耳。這些大賽, 有陣時要講命的, 成世贏唔到的大有人在。蔡鎮威做練馬師日子不長, 當然未贏過打吡, 但做副練之時捧過呢隻大盃, 証明亦有緣份, 如今自已當家, 更想一嚐捧盃滋味。相信亦是必搏份子。打吡贏唔贏得此乃後話, 先睇今場, 能否過得三隻攔路虎再訂吧!

評馬人熊良錫

[延安龍]2022年2月5日之賽事影片

延安龍 (N103)2022年3月15日晨操相片


@ 2011 澳門賽馬會 版權所有 不得轉載 打擊網上非法博彩      | 聯絡我們 | 反映意見 | 私穩條款 | 免責聲明 | 網頁指南 | 設為主頁 | 廣告招租 | 廣告專區