閒話唔講了, 都是以馬論馬是正題。但…未論馬前, 都要講講練馬師噃。
賀蘭杜夫好嘢, 二月五日贏隻1195.50元派彩的「美麗人生」之後, 好似食咗擔豬油咁樣, 完全冇表現。 最叻由艾比幫佢跑過一場第三, 又係「美麗人生」, 得十几蚊位置。巳經是三月五日了。跟住艾比又跑隻第二入Q, 係三月十三日的草地賽事, 有多少分頭, 連贏接近三佰元。呢個馬房又點會咁低調, 擺明等草地至發威。三月十九日又迎來六場草地, 賀厩出馬八匹, 場場有馬上陣, 係呢舖了! 估唔到咁忍得, 揾隻第四都冇。絕! 三月廿六日沙地, 四月一日沙地, 當然冇料到。四月二日, 四隻正選馬分三場跑, 頭場當然捉到正, 「聯安百勝」換個田中來跑, 飛咗艾比, 臨尾重注得手, 剩番兩場, 操練唔正常的馬, 以為可以不理, 想不到尾場半冷起孖, 步署完美, 值得一讚。
今個星期又點呢? 既然手風順一定繼續來的, 而家排位未出, 事前看分場配磅, 三四班拆組兩場1200米, 賀厩驚死唔夠馬, 拿拿聲加多兩隻湊數, 「幸運星」抖咗四個幾月都係健康唔正常, 加隻越級挑戰的「烈火戰駒」, 這兩駒擺明捱義氣。响另一組的兩匹, 才是主力出擊份子。個人喜歡「聯安興旺」多些, 馬夠快再有運執個好位, 贏面甚高。但「精選名駒」都不能少看。特別三重彩彩池, 冇賠率你睇, 邊隻冷熱唔容易估, 用多些本錢兩馬複胆圍攻比較上算。祝大家及自已好運吧!
評馬人熊良錫
[聯安興旺]2021年11月14日之賽事影片
[精選名駒]2021年12月19日之賽事影片
| 
聯安興旺 (L129)2022年4月4日晨操相片 | 
精選名駒 (L125 )2022年4月4日晨操相片 |
|
