國金系馬匹一次大變動, 馬匹由錢厩分別轉去幾個倉口, 經一段過渡期後, 這些馬匹紛紛報名上陣。巧合的上周末二至五場都有國金系馬匹列陣, 每場一匹, 不同的馬房, 不同的騎師。由於鬥志不用懷疑, 捧場性質位置四串一, 過了關有4.5倍的回報, 雖然不是很高回報率, 但勝在不需動腦筋, 可以用不勞而獲來形容, 加上馬會馬簿大字標題, 唔會買錯。
言歸正傳, 今周兩日賽事, 周五沙地, 唔夠馬得四場, 由周六調一場草地來湊數。周六初跑今季黃昏馬, 由於少了一場, 因此亦變了跑五場。周五沙地我會追捧休息十個月, 今季初出的「金槍霸」。以它上季沙地的表現, 雖然久休兼流過鼻血, 反而成為今仗的有利條件。休息足夠不在話下, 馬房對「金槍霸」的準備功夫, 實在是做足一百分, 而保密功夫更加做到二百分, 相信要排咗位至知配搭。無論如何, 此駒是必拚馬, 除了今次有沙地1050米外, 暫時到七月尾都冇賽程, 再加上祇負120磅, W得。
周六草地, 天氣變幻, 都是找些全材馬會比較穩陣。報了二班1500米的「協會八號」近期陣上演出相當穩健, 在草地上競逐, 任何場地都可以應付。還有, 不祇馬弗, 馬房手風亦可以用極順來形容。上賽縮程1200米, 對手都被「協會八號」一早咬緊, 入直路一沖過頭, 贏得輕鬆。今仗雖然升班, 但增程兼負輕磅, 更顯馬匹威勢, 屬熱捧份子。
評馬人熊良錫
「金槍霸」2021年6月25日之賽事影片
「協會八號」2022年5月14日之賽事影片
| 
金槍霸 (L029)2022年6月6日晨操相片 | 
協會八號(K091)2022年6月3日晨操相片 |
|
